28099 դիտում

ԵԱՀԿ-ին մտահոգել է ՀՀ-ում տեղեկատվության մասին օրենքի փոփոխությունը


Հարլեմ Դեզիրը
Հարլեմ Դեզիրը

Լուսանկարը` ladmedia.fr


Երեւան: Մեդիամաքս: ԵԱՀԿ մամուլի ազատության հարցերով ներկայացուցիչ Հարլեմ Դեզիրը Հայաստան կատարած իր այցի ընթացքում մտահոգություն է հայտնել ՀՀ Տեղեկատվության ազատության մասին օրենքում նախատեսվող փոփոխության կապակցությամբ։

«Գործող օրենքի շուրջ քննարկումները եւ փոփոխության ընթացքը պետք է լինեն թափանցիկ եւ համընդգրկուն՝ ապահովելու հնարավոր բոլոր հետեւանքների կանխատեսումը եւ պատշաճ կերպով իրագործելիությունը մինչեւ օրենքի ընդունումը։ Կարեւոր է, որ հանրությունը՝ բացառությամբ միջազգային չափանիշներին համապատասխան մի քանի դեպքի, կարողանա լայնորեն օգտվել տեղեկատվությունից, եւ որ հետաքննական լրագրության աշխատանքը չխոչընդոտվի»,- ասված է Հարլեմ Դեզիրի հայտարարության մեջ։

ԵԱՀԿ ներկայացուցիչն ընդգծել է, որ պետք է շարունակել արդյունավետ համագործակցությունը Հայաստանի հետ՝ մամուլի ազատությանը նպաստելու համար։

Հարլեմ Դեզիրն ընդգծել է, որ Հայաստանում լրագրողների համար պետք է ապահովել աշխատանքային պայմաններ եւ անդրադարձել այն դեպքերին, որոնք վերաբերում են մամուլի ներկայացուցիչների մասնագիտական աշխատանքի խոչընդոտմանը, մասնավորապես՝ հանրային միջոցառումների լուսաբանման ժամանակ։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am