Երեւան: Մեդիամաքս: ՀՀ վարչապետ Հովիկ Աբրահամյանի որոշմամբ Վահագն Մելիքյանը նշանակվել է Հայաստանի սփյուռքի նախարարի տեղակալ:
Մեդիամաքս-ը նշում է, որ Վահագն Մելիքյանը Հայաստանի ամենափորձառու դիվանագետներից է:
Մինչեւ սփյուռքի նախարարի տեղակալի պաշտոնում նշանակվելը նա Հայաստանի արտակարգ եւ լիազոր դեսպանն էր Արգենտինայում: 2014թ. նոյեմբերին Վահագն Մելիքյանը Արգենտինայի նախագահի կողմից պարգեւատրվել էր Արգենտինայի Մեծ խաչի աստիճանի մայիսյան շքանշանով:
Վահագն Մելիքյանը զբաղեցրել է նաեւ Արաբական Միացյալ Էմիրություններում ՀՀ դեսպանի պաշտոնը, երկար տարիներ ղեկավարել է ՀՀ ԱԳՆ Պետական արարողակարգի ծառայությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: