Երեւան: Մեդիամաքս: The Gallup Organization-ը եւ Հայկական սոցիոլոգիական ասոցիացիան խորհրդարանական ընտրությունների օրը՝ ապրիլի 2-ին, exit-poll կիրականացնեն Հայաստանում:

Այս մասին այսօր Մեդիամաքսին ասել է Հայկական սոցիոլոգիական ասոցիացիայի նախագահ Գեւորգ Պողոսյանը:

Նա տեղեկացրել է, որ exit poll-ն իրականացվելու է ՀՀ ամբողջ տարածքում, համապատասխան մեթոդաբանությամբ ընտրված 125 ընտրատեղամասերում:

The Gallup Organization-ը եւ Հայկական սոցիոլոգիական ասոցիացիան ընտրություններից առաջ իրականացրել են նաեւ հանրային կարծիքի ուսումնասիրություն, որի արդյունքները կհրապարակվեն մարտի 31-ին կայանալիք մամուլի ասուլիսի ժամանակ:

ՀՀ Կենտրոնական ընտրական հանձնաժողովի մամուլի քարտուղար Հերմինե Հարությունյանն էլ Մեդիամաքսին հայտնել է, որ exit-poll-ի արդյունքները, ըստ օրենքի, չեն կարող հրապարակվել մինչեւ քվեարկության ավարտը:

Մեդիամաքսը նշում է, որ 2013 թվականի նախագահական ընտրությունների ժամանակ The Gallup Organization-ը եւ Հայկական սոցիոլոգիական ասոցիացիան եւս անցկացրել էին exit-poll: