ԵԽ պատվիրակները կդիտարկեն երեւանյան ընտրությունները - Mediamax.am

7794 դիտում

ԵԽ պատվիրակները կդիտարկեն երեւանյան ընտրությունները


Լուսանկարը` PAN Photo


Երեւան: Մեդիամաքս: Եվրոպայի խորհրդի Տեղական եւ տարածքային իշխանությունների կոնգրեսի պատվիրակությունը կդիտարկի մայիսի 14-ին կայանալիք Երեւանի ավագանու ընտրությունները։

Ֆինլանդացի Լիսա Անսալայի գլխավորած պատվիրակության 10 անդամները մայիսի 12-13-ը հանդիպումներ կունենան ՀՀ Կենտրոնական ընտրական հանձնաժողովի նախագահ Տիգրան Մուկուչյանի, դիվանագիտական կորպուսի, հասարակական կազմակերպությունների եւ լրատվամիջոցների ներկայացուցիչների հետ։

 

Մայիսի 13-ին պատվիրակության անդամները քննարկում կունենան Երեւանի ավագանու թեկնածուների հետ։

 

Ընտրության օրը ԵԽ պատվիրակների չորս խումբ կդիտարկի ընտրությունները մայրաքաղաքի տարբեր ընտրատեղամասերում։

 

Դիտորդական առաքելությունը տեղեկատվական զեկույց կպատրաստի, որը կքննարկվի հոկտեմբերին՝ Կոնգրեսի 33-րդ նստաշրջանի շրջանակում։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին