Երեւան: Մեդիամաքս: ԼՂՀ Պաշտպանության բանակի նախկին հրամանատար Սամվել Բաբայանը Վճռաբեկ դատարանի այսօր հրապարակած վճռով ազատ կարձակվի:
Սամվել Բաբայանին ազատ արձակելու դիմաց Ազգային ժողովի մի խումբ պատգամավորներ երաշխավորություն էին ներկայացրել նրա խափանման միջոցը փոխելու վերաբերյալ:
Վճռաբեկ դատարանը բեկանել է Վերաքննիչ դատարանի որոշումը Սամվել Բաբայանի եւ մյուսների գործով ընդհանուր իրավասության դատարանի վճիռը անփոփոխ թողնելու մասին եւ գործն ուղարկել նոր քննության:
Դատարանը փոխել է նաեւ գործով անցնող մյուս երկու ամբաստանյալների՝ Սանասար Գաբրիելյանի եւ Արմեն Պողոսյանի խափանման միջոց կալանքը:
Առաջին ատյանի դատարանը անցած տարվա նոյեմբերին Սամվել Բաբայանին դատապարտել էր 6 տարվա ազատազրկման:
Ըստ մեղադրական եզրակացության՝ նա դրդել էր մի խումբ անձանց «Իգլա» տեսակի դյուրակիր զենիթահրթիռային համալիր ձեռք բերելուն, փոխադրելուն եւ պահելուն, ինչպես նաեւ՝ փոխարկման արդյունքում ձեռք է բերել հանցավոր ճանապարհով ստացված գույք:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: