Երեւան: Մեդիամաքս: Ադրբեջանում նոյեմբերի 12-18-ը լայնամասշտաբ զորավարժություններ կանցկացվեն՝ 60 հազ. զինծառայողի մասնակցությամբ:

Այս մասին հաղորդում է «Ինտերֆաքս»-ը՝ վկայակոչելով Ադրբեջանի պաշտպանության նախարարությանը:

Զորավարժություններին կմասնակցի ինքնաթիռների եւ ուղղաթիռների 50 միավոր, ավելի քան 150 միավոր տանկ եւ զրահատեխնիկա, ինչպես նաեւ հրթիռային զորքերի եւ հրետանու շուրջ 700 համակարգ:

Զորավարժություններն անցկացվում են «դաշտային պայմաններում զորքերի եւ սպառազինության կառավարման համակարգը ստուգելու համար»: