exclusive
87514 դիտում

Կարո Փայլյանը դատապարտում է իր կուսակիցների ձերբակալությունը


Կարո Փայլյանը
Կարո Փայլյանը

Լուսանկարը` halkinnabzi.com


Երեւան: Մեդիամաքս: Թուրքիայի քրդամետ «Ժողովուրդների դեմոկրատական կուսակցության» հայազգի պատգամավոր Կարո Փայլանը խստորեն դատապարտել է իր կուսակցության համանախագահների ու մյուս անդամների ձերբակալությունը։

Այս մասին Մեդիամաքսին հայտնել է պատգամավորի օգնական Սայաթ Բազարյանը:

Թուրքական լրատվամիջոցների փոխանցմամբ՝ այսօր առավոտյան ձերբակալվել են «Ժողովուրդների դեմոկրատական կուսակցության» 11 պատգամավորներ, այդ թվում՝ կուսակցության համանախագահներ Սելահաթթին Դեմիրթաշը եւ Ֆիգեն Յուքսեքդաղը:

«Այս պահին Կարո Փայլանը Ստամբուլում է: Ժողովների մեջ է: Կուսակցության անդամները մշակում են իրենց հետագա քայլերը»,- ասել է պատգամավորի օգնականը՝ հավելելով, որ հնարավոր է՝ կուսակցությունն առաջիկայում հանդես գա հայտարարությամբ:

Նրա խոսքով՝ Կարո Փայլանը «իր կուսակիցների ձերբալակության գործերում ներառված չէ, սակայն մշատապես հանդես է եկել մարդու իրավուքնների խախտումների դեմ»:

Թուրքիայի իշխանությունները հայտնել են, որ քրդամետ պատգամավորների ձերբակալելու հրահանգ է եղել, քանի որ վերջիններս չեն ներկայացել դատարան ցուցմունք տալու համար։ Նրանք հիմնականում մեղադրվում են ահաբեկչական խմբավորման քարոզչություն անելու մեջ:

Այս տարվա մայիսին Թուրքիայի խորհրդարանը վավերացրել էր պատգամավորներին անձեռնմխելիությունից զրկելու մասին օրինագիծը:

Քրդամետ պատագամավորների ձերբալակություններից հետո Թուրքիայի հարավ-արեւելքում՝ Դիարբեքիրում, պայթյուն է տեղի ունեցել, որի հետեւանով, ըստ վերջին պաշտոնական տվյալների, զոհվել է 8 եւ վիրավորվել ավելի քան 100 մարդ։ 

Դիարբեքիրի նահանգապետարանը պայթյունի իրականացման պատասխանատու է հայտարարել Քրդական բանվորական կուսակցությանը (PKK):

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am