Անկարայում այսօր սպանվել է Թուրքիայում ՌԴ դեսպան Անդրեյ Կառլովը։
«Անկարայում այսօր հարձակման հետեւանքով ստացված վնասվածքներից մահացել է Թուրքիայում Ռուսաստանի Դաշնության դեսպան Անդրեյ Գենադիի Կառլովը»,- «Ինտերֆաքս»-ի փոխանցմամբ՝ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Նրա խոսքով՝ ՌԴ արտգործնախարարությունը դեսպանի սպանությունը որակում է ահաբեկչություն:
Մարիա Զախարովան տեղեկացրել է, որ արդեն այսօր Ռուսաստանն իր դիվանագետի սպանության հարցը կբարձրացնի ՄԱԿ-ի Անվտանգության խորհրդում:
Թուրքական լրատվամիջոցների համաձայն՝ դեսպանի վրա հարձակման ընթացքում վիրավորվել է եւս երեք մարդ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: