SpaceX-ը գործարկել է իր վերակառուցված Falcon 9 հրթիռը` գրանցելով դեպի Տիեզերք «օգտագործված» հրթիռային կրիչով հրթիռ վերարձակելու առաջին դեպքը:

Այնուհետեւ Falcon 9-ը վերադարձել է երկիր եւ վայրէջք կատարել նախանշված վայրում:

«Սա տիեզերական թռիչքների մեջ հսկայական հեղափոխություն կարող է լինել»,- ասել է ընկերության գլխավոր տնօրեն Իլոն Մասկը:

Նա ասել է, որ «ուղեծրային դասի հրթիռային կրիչի վերագործարկումը նման է հուսալի ինքնաթիռի ձեռքբերման, որի շնորհիվ ամեն թռիչքից հետո ստիպված չեն լինի դեն նետել ինքնաթիռը»:

Այս հաջողությունը քայլ է զգալիորեն մատչելի տիեզերական թռիչքի ճանապարհին, եւ որոշակի հույս է, որ կարող է հեղափոխություններ անել դեպի Արեգակնային համակարգ ճամփորդությունների եւ մարդկությանը Մարս տանելու հարցում:

Falcon 9 հրթիռն արդեն ապահովել էր իր տեղը SpaceX-ի պատմության մեջ: 2016թ.-ի ապրիլին այն դարձել էր առաջին հրթիռը, որը հաջողությամբ վայրէջք էր կատարել Ատլանտիկ օվկիանոսում՝ դրոն-նավի վրա՝ դեպի Միջազգային տիեզերակայան կատարած առաքելությունից հետո: Այնուհետեւ 9 հրթիռային շարժիչների վրա հիմնված կրիչը վերանորոգվել եւ վերաթողարկվել է:

Պատրաստեց Մարի Թարյանը