Երեւան: Մեդիամաքս: Երեւանի ֆիզիկայի ինստիտուտն ավագ դպրոցում սովորող եւ բնագիտական առարկաներից գերազանց առաջադիմություն ունեցող պատանիներին հրավիրում է սովորել PhYSS 2017 ամառային դպրոցում:
Դիմորդները հնարավորություն կունենան ինքնուրույն կատարել ֆիզիկայի փորձեր, տեղեկանալ ամենահետաքրքիր եւ հիշարժան գիտական բացահայտումների ու գիտնականների մասին:
Դասախոսությունները կլինեն հետեւյալ թեմաներով`
Էլեկտրամագնիսական ալիքների սանդղակ: Կլանման եւ արձակման սպեկտրներ:
Սպեկտրային վերլուծություն /լաբորատոր/
Աշխարհում հայտնի գիտնականներն ու նրանց կատարած բացահայտումները /դասախոսություն/
Ի՞նչ է կայծակը: Ինչպես պաշտպանվել: Բնագիտություն: Էլեկտրականություն:
Մթնոլորտի կառուցվածք: Ամպի առաջացում, տեսակներ: Ամպրոպ: Կայծակի առաջացում: Որոտ: Կայծակից պաշտպանություն: /դասախոսություն/
Ամպ շշի մեջ /փորձ/
Տեսլայի կծիկ /փորձ/
Միջուկային բժշկություն` ռադիոակտիվ իզոտոպների ստացումը եւ կիրառումը առողջապահության համար /դասախոսություն/
Այլընտրանքային Էներգիայի աղբյուրներ եւ այլն:
Լուսանկարը` http://www.yerphi.am/
Դասընթացի վերջում անցկացվելու է պոստեր սեսիա, որտեղ կորոշվի հաղթողը, ով կստանա դրամական պարգեւ: Մասնակիցները կստանան Երեւանի Ֆիզիկայի Ինստիտուտի անվան վկայական:
Ամառային դպրոցը կանցկացվի 2017թ. հունիսի 12-23-ը, հայտերի ընդունման վերջնաժամկետը մայիսի 15-ն է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: