25754 դիտում

Գիտպետկոմ. FAST-ը մեր ապագա ամենահզոր գործընկերներից է


Սամվել Հարությունյանը
Սամվել Հարությունյանը

Լուսանկարը` PAN Photo


Երեւան: Մեդիամաքս: ՀՀ ԿԳՆ Գիտության պետական կոմիտեի նախագահ Սամվել Հարությունյանը Հայաստանի գիտության եւ տեխնոլոգիաների հիմնադրամը (FAST) դիտարկում է որպես կոմիտեի ապագա ամենահզոր գործընկերներից մեկը:

Այսօր լրագրողների հետ հանդիպմանը, պատասխանելով հիմնադրամի հետ համագործակցության հեռանկարների վերաբերյալ Մեդիամաքսի հարցին, Սամվել Հարությունյանն ասել է.

«FAST-ի առջեւ դրված խնդիրները շատ համահունչ են Գիտության պետական կոմիտեի առջեւ դրված խնդիրներին: Մենք անպայման համագործակցելու ենք, չի բացառվում, որ համատեղ ծրագրեր իրականացնենք»:

Նա հավելել է, որ Գիտության պետական կոմիտեն եւ FAST հիմնադրամը պետք է փոխլրացնեն միմյանց:

«FAST հիմնադրամի գաղափարի համար պետք է շնորհակալություն հայտնենք Ռուբեն Վարդանյանին: Այդ գաղափարն արդեն իրականացման փուլում է, եւ ես հույս ունեմ, որ առաջիկայում որոշակի արդյունքներ կտեսնենք»,- ասել է Սամվել Հարությունյանը: 

Մեդիամաքսի հարցազրույցը FAST-ի գործադիր տնօրեն Արմեն Օրուջյանի հետ կարող եք կարդալ այստեղ:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am