Օդում սավառնող գարնան շունչը հուշում է յուրաքանչյուր ազատ րոպեն դրսում անցկացնել` այլ հայացքով «շոշափելով» շուրջբոլորը: Նույն զգացողությամբ կարելի է ուսումնասիրել նաեւ մարտի առաջին ուիքենդին կայանալիք միջոցառումները եւ առանձնացնել հուզումնալից տրամադրությանը համապատասխան մի քանիսը:
ՇԱԲԱԹ
Տիկնիկային թատրոնում ժամը 12:00-ին եւ 14:00-ին բեմում կծաղկեն Անդերսենի
«Փոքրիկ Իդայի ծաղիկները»:
Տոմսերի արժեքը՝ 800-1400 դրամ:
***
«Ինգրեդիենտ» առողջ սննդի սրճարանում (Վազգեն Սարգսյան 10) մրգա-բանջարային նոր սեզոնի հետ մեկտեղ վերսկսվում են մանկական շաբաթօրյա ծրագրերը:
Ժամը 13:00-ին երեխաները կպատրաստեն պիցցաներ եւ կթխեն հատուկ վառարանում:
***
Հայաստանի Ազգային Պատկերասրահում ժամը 12:00-ին 6-8 տարեկան երեխաները կհայտնվեն «Վարպետի գույների աշխարհում»: Ինտերակտիվ կրթական ծրագրին, որը կանցկացվի Մարտիրոս Սարյանի ցուցասրահում, կարող են մասնակցել նաեւ մեծահասակները:
Մանկական տոմսի արժեքն է 600 դրամ, մեծահասակներինը՝ 1500 դրամ:
Մասնակցության համար պետք է նախապես գրանցվել` զանգահարելով 094 068 001, 041 771 677 հեռախոսահամարներով:
***
«Գիտարշավ» ակումբը կներկայացնի «Լքված վանքեր» արշավային նախագիծը: Շնորհանդեսը կմեկնարկի ժամը 12:00-ին Բուսաբանական այգու դահլիճում, իսկ միջոցառման վերջում բոլոր ցանկացողները կայցելեն Ավանի Կաթողիկե, Սբ. Հովհաննես և Սբ. Աստվածածին լքյալ եկեղեցիները:
Մասնակցության արժեքը՝1000 դրամ: Նախնական գրանցման համար զանգահարել՝ 091 014301, 094 325075 հեռախոսահամարներով:
***
Կանանց միամսյակին եւ Սուրբ Զատիկի տոնին ընդառաջ Անի Պլազա հյուրանոցում ժամը 11:00-ից մինչեւ 20:00-ը կգործի Spring Fest տոնավաճառը, որտեղ կներկայացվեն հայ վարպետների ձեռքի աշխատանքները եւ տարբեր ընկերությունների արտադրանքը:
Մուտքն ազատ է:
***
ժամը 18:00-ին «Նոյյան Տապան» գրախանութի «Ակտուալ» ակումբում համերգ-հանդիպում կլինի ՀՀ ժողովրդական արտիստ, կոմպոզիտոր, դաշնակահար մաեստրո Ստեփան Շաքարյանի հետ, ում ստեղծագործություններն ընդգրկված են հայ եւ այլազգի շատ կատարողների նվագացանկերում:
Մուտքը՝ 2000 դրամ:
Տեղերի նախնական ամրագրումը ցանկալի է:
***
Գարնանային Էպիկ ջազ է հնչելու Green Dragon սրճարան-թորանոցում` Արմեն Հյուսնունցի եւ Վահագն Հայրապետյանի կատարմամբ:
Համերգի սկիզբը՝ ժամը 21:00-ին:
Մուտքի արժեքը՝ 5000 դրամ:
Ջազային հնչյունների «թորմանը» ներկա գտնվելու համար նախապես գրանցվեք`զանգահարելով 091 549 471 հեռախոսահամարով:
***
Վլադիմիր Վիսոցկու երկրպագուները ժամը 19:00-ին հավաքվելու են Սեւան քաղաքի Բոհեմ արվեստանոց-թեյարանում՝ մեծ դերասանի, երգչի, պոետի ստեղծագործությունները կատարելու համար:
Թեյարանի հասցեն է՝ ք. Սեւան, Սայաթ-Նովա 16/13
ԿԻՐԱԿԻ
Գեղանկարչական ձիրք ունեցողներին կրկին սպասում են «Բաց արվեստանոց»-ում: ժամը 13:00-ին «Ես կարող եմ» ստուդիայի հյուրն է լինելու գեղանկարիչ Տիգրան Թադեւոսյանը:
Մասնակցության արժեքը՝ 1 500 դրամ, այն ներառում է սուրճ-թեյ ու քաղցրավենիք:
Գրանցվելու համար զանգահարեք 091 255 402, 096 228 817 հեռախոսահամարներով:
***
Նույն ժամին պարային աշխատարան կսկսվի Amigo Latino ակումբում (Աբովյան 41/4): Այն վարելու են արգենտինացի պարուհի Սեսիլիա Աքոստան եւ «Թբիլիսի Տանգո» համայնքի հիմնադիրներից մեկը, պարող, DJ Լեվան Գոմելաուրին:
Հանդիպման ընթացքում կցուցադրվեն տանգոյին վերաբերող հատուկ քայլերի տեսակներ:
Այստեղ կարող եք ծանոթանալ մանրամասներին:
***
Ժամը 19:00-ին «Գոյ» թատրոնում կցուցադրվի Ջորջ Օրուէլի այլաբանական վիպակի հիման վրա բեմադրված «Անասնաֆերմա» ներկայացում-նախազգուշացումը:
Տոմսերի արժեքը՝ 1500, 2000 դրամ:
***
Օպերայի եւ բալետի թատրոնում ժամը 19:00-ին բոլորովին այլ տրամադրություն է տիրելու: Արամ Խաչատրյանի մոգական երաժշտության ներքո ծավալվելու են «Դիմակահանդես» բալետի երկու գործողությունները:
Տոմսերի արժեքը՝ 2000-10 000 դրամ:
***
Եթե մտադիր եք «թրջել» գարնանամուտը, ժամը 19:00-ին գնացեք Shame բար (Մովսես Խորենացի 2) եւ 1 800 դրամ վճարելով՝ պատվիրեք անսահմանափակ քանակությամբ Դու-Դու կոկտեյլ, որի առանցքային բաղադրիչը Տաբասկո սոուսն է:
***
Կիրակի օրը կարելի է անցկացնել նաեւ սարի գլխին: Վաղ առավոտից 110 Places արշավային ակումբը բոլոր ցանկացողների հետ միասին «նվաճելու» է Հատիս-Շամիրամ գագաթը:
Մասնակցության արժեքը՝4000 դրամ:
Արշավին վերաբերող մանրամասներին ծանոթացեք այստեղ:
Աննա Բուբուշյան
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: