Yerevan Color Run, «Անկոչ հյուրը», Նինո Կատամաձե, DZEN, «Սեւ արկղ» - Mediamax.am

exclusive
5256 դիտում

Yerevan Color Run, «Անկոչ հյուրը», Նինո Կատամաձե, DZEN, «Սեւ արկղ»



Պատմում ենք, թե ինչով կարելի է զբաղվել սեպտեմբերի վերջին շաբաթ եւ կիրակի օրերին:

 

ՇԱԲԱԹ, ՍԵՊՏԵՄԲԵՐԻ 29

 

Շաբաթ օրվա  հիմնական իրադարձությունները երեկոյան կլինեն:

 

Ժամը 19:00-ին Պետական կամերային երաժշտական թատրոնի բեմում կլինի «Անկոչ հյուրը» կատակերգական մելոդրաման: Այն պատմում է, թե ինչպես մի տղամարդ փախչում է սիրուհու տանից, հայտնվում է հարեւան պատշգամբում եւ սկսում է սիրահետել կոսմետիկ դիմակով «տանտիրուհուն», որն իրականում իր կինն է:

 

Տոմսերի արժեքը՝ 1000-2000 դրամ:

 

***

 

«Արամ Խաչատրյան» համերգասրահում ժամը 19:00-ին հավաքվելու են ջազի երկրպագուները՝ սիրված երգչուհի եւ կոմպոզիտոր Նինո Կատամաձեի եւ Insight խմբի համերգը վայելելու համար:

 

 

Չնայած նրան, որ տոմսերը մեծամասամբ վաճառված են, ամեն ինչ դեռ կորած չէ՝ կարող եք «բախտը փորձել» համերգասրահի տոմսարկղում կամ պատվիրել www.tomsarkgh.am կայքից:

 

***

 

Rambalkoshe-ում (Տերյան 91) առաջին անգամ միասին նվագելու են Երեւանի ամենահայտնի դիջեյներ Viken Arman-ը եւ Goldcap-ը: Կցուցադրվեն նաեւ Դավիթ Յուխանյանի աշխատանքները՝ զուգահեռ աշխարհի կերպարներով հագեցած:

 

Սկիզբը՝ ժամը 21:00-ին:

 

Տոմսերի արժեքը՝ 5000 դրամ՝ նախապես գնելու դեպքում, եւ 8000 դրամ՝ մուտքի մոտ:

 

Տոմսերը պատվիրելու համար զանգահարեք 093 133719 հեռախոսահամարով: 

 

ԿԻՐԱԿԻ, ՍԵՊՏԵՄԲԵՐԻ 30

 

Կիրակի օրը կարելի է աղմկոտ եւ գունեղ է սկսել՝ մասնակցելով Yerevan Color Run 2018-ին, որը կմեկնարկի ժամը 09:00-ին՝ Շահումյանի հրապարակից:

 

Մասնակիցների նախնական գրանցումը տեղի կունենա սեպտեմբերի 29-ին, ժամը 12:00-ից 20:00-ը՝ Yerevan Mall-ում:

 

Գունազարդ վազքի մանրամասներին կարող եք ծանոթանալ այստեղ:

 

***

 

Ժամը 15:00-ին Արամ Խաչատրյան համերգասրահում կհայտնվի «Արքայադուստր Սոֆիան», ում արկածները հետաքրքիր կլինեն եւ փոքրիկներին, եւ՝ մեծերին:

 

Տոմսերի արժեքը՝ 1000-2000 դրամ:

 

Մինչեւ 5 տարեկան երեխաների մուտքն անվճար է՝ ծնողի ուղեկցությամբ:

 

***

 

Երեւանի պետական կամերային թատրոնի «Սեւ արկղ» ներկայացումը պատմում է մեր օրերի անբաժանելի ուղեկցի՝ բջջային հեռախոսի եւ դրանում կուտակված բոլոր գաղտնիքների մասին:

 

Ներկայացումը նախատեսված է 18+ անձանց համար:

 

Սկիզբը՝ ժամը 14:00-ին:

 

Տոմսերի արժեքը՝1000-2500 դրամ:

 

***

 

Կիրակի օրը Գյումրիում նշվելու է քաղաքի օրը:

 

Եթե որոշեք այդ օրն անցկացնել գյումրեցիների հետ՝ այցելեք նաեւ Հովհաննես Շիրազի հուշատուն-թանգարան:

 

Ժամը 13:00-ին այնտեղ կկայանա Շիրազի «Անտիպ էջեր» գրքի շնորհանդեսը եւ Արա Շիրազի քանդակների ցուցադրությունը:

 

Աննա Բուբուշյան

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին