Երեւան: Մեդիամաքս: Հայաստան ուղեւորվելիս Հռոմի Ֆրանցիսկոս Պապը հեռագիր է ուղարկել Թուրքիայի նախագահ Ռեջեփ Թայիփ Էրդողանին:
Ինչպես հաղորդում է Վատիկանի ռադիոն, Հռոմի Ֆրանցիսկոս Քահանայապետի նամակում ասված է.
«Հայաստան ուղեւորվելիս եւ Թուրքիայի օդային տարածքով թռչելիս՝ հղում եմ իմ լավագույն մաղթանքները Ձերդ Գերազանցությանը եւ Ձեր ժողովրդին՝ աղոթելով, որ Բարձրյալն իր օրհնությունը շնորհի ձեր ժողովրդին»:
Մեդիամաքսը հիշեցնում է, որ Վատիկանի եւ Թուրքիայի հարաբերությունները վատթարացել էին 2015թ. ապրիլի 12-ին Վատիկանի Սուրբ Պետրոսի տաճարում մատուցած հատուկ պատարագի ժամանակ Պապի արտասանած ճառից հետո, որով վերջինս 1915թ. դեպքերը որակել էր Ցեղասպանություն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: