Դիլիջանի խոշորացված համայնքում կարվեն $ 4 մլն ներդրումներ - Mediamax.am

6026 դիտում

Դիլիջանի խոշորացված համայնքում կարվեն $ 4 մլն ներդրումներ


Լուսանկարը` ՀՀ տարածքային կառավարման եւ զարգացման նախարարության մամուլի ծառայություն


Երեւան: Մեդիամաքս: ՀՀ տարածքային կառավարման եւ զարգացման նախարար Դավիթ Լոքյանը ներկայացրել է Դիլիջանի խոշորացված համայնքի զարգացման ծրագրերը:

Դավիթ Լոքյանը մասնակցել է «Դիլիջանը երկու տարի անց» քննարկմանը, որին ներկա են եղել վարչապետի գլխավոր խորհրդական Գագիկ Մարտիրոսյանը, Տավուշի մարզպետ Հովիկ Աբովյանը, Դիլիջանի քաղաքապետ Արմեն Սանթրոսյանը, Տարածքային զարգացման հիմնադրամի տնօրեն Աշոտ Կիրակոսյանը, շահագրգիռ այլ կազմակերպությունների ներկայացուցիչներ:   

 

Նախարարը նշել է, որ շուրջ $ 4 մլն ուղղակի ներդրումներ են արվելու Դիլիջանի խոշորացված համայնքում:

 

«Համոզված եմ, որ այդ ծրագրերը մեծ թափ են հաղորդելու Դիլիջանի զարգացմանը: Դրան նպաստելու են Եվրամիության երկու խոշոր ծրագրերը: Մեկով տրանսպորտային խնդիրներ են լուծվելու, մյուսով Դիլիջանը տուրիստական գոտու է վերածելու: Ծրագիրն իր մեջ ներառում է հատուկ մեքենաներով շրջագայություն Դիլիջանի պարկում, էքստրեմալ զբոսաշրջության ձեւերի զարգացում, գյուղական համայնքներում տուրիստական կենտրոնների ստեղծում»,- նշել է Դավիթ Լոքյանը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին