Հայաստանում գործող գրեթե բոլոր կրոնական կազմակերպությունները ներգրավված են բիզնեսի մեջ, վստահ է Ալեքսանդր Ամարյանը

Ինչպես հաղորդում է Մեդիամաքսը, այս մասին այսօր ասել է «Քայքայիչ պաշտամունքից տուժածների վերականգնողական եւ օգնության կենտրոնի» տնօրեն Ալեքսանդր Ամարյանը:

Նրա խոսքերով, աղանդները, մասնավորապես, շինարարական ընկերությունների, պրովայդերների, աուդիտով եւ հյուրանոցային ծառայություններով զբաղվող ընկերությունների գործունեությունում են ներգրավված:

Կազմակերպության ղեկավարը նշել է, որ բոլոր կրոնական կազմակերպությունների հիմնական նպատակը հստակ անձանց վերաբերյալ տեղեկատվության հավաքագրումն է:

Կենտրոնի տվյալներով, Հայաստանում 67 կրոնական կազմակերպություն է գրանցված, այդ թվում նաեւ Հայ Առաքելական եկեղեցու կազմակերպությունները: Ալեքսանդր Ամարյանի խոսքերով, ոչ պաշտոնական տեղեկատվության համաձայն, Հայաստանում աղանդերում ներգրավված անձանց թիվը շուրջ 300-350 հազար է կազմում, իսկ այդ կազմակերպությունների տարեկան շրջանառությունը`
$1 մլրդ:

վերադառնալ