Երեւան: Մեդիամաքս: Հայաստանում Ֆրանսիայի դեսպանությունը ֆրանկոֆոնիայի միջոցառումներ կանցկացնի մարտի 15-30-ը։
Հայաստանում Ֆրանսիայի դեսպան Ժան-Ֆրանսուա Շարպանտիեն այսօր ասել է, որ միջոցառումները կանցկացվեն ամբողջ երկրում՝ ՀՀ արտգործնախարարության հովանու ներքո։
Ժան-Ֆրանսուա Շարպանտիեն հայտնել է, որ Ֆրանսիայի դեսպանությանը միացել են Շվեյցարիայի, Կանադայի, Հունաստանի, Լիտվայի եւ Լիբանանի դեսպանությունները։
Ֆրանսիայի դեսպանության մշակութային եւ համագործակցության հարցերով խորհրդական Ալեքս Բորտոլանն էլ նշել է, որ մշակվել է բավական հարուստ եւ հագեցած ծրագիր։
«Այս տարվա առանցքային թեման տեղեկատվական եւ թվային տեխնոլոգիաներն են։ Այս թեման չափազանց հետաքրքիր է թե՛ Հայաստանի, թե՛ Ֆրանսիայի համար»,-ասել է նա։
Դեսպանության ներկայացուցչի խոսքով՝ այս տարվա ֆրանկոֆոնիայի միջոցառումների առանձնահատկություններից է Երեւանում կազմակերպված ֆրանկոֆոն ֆիլմերի փառատոնը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: