23945 դիտում

Հայտնի բլոգեր Անտոն Նոսիկը մեկնում է Արցախ՝ ծաղրելով Ադրբեջանը


Անտոն Նոսիկը
Անտոն Նոսիկը

Լուսանկարը` amazonaws.com


Երեւան: Մեդիամաքս: Ռուսաստանցի հայտնի բլոգեր եւ հասարակական գործիչ Անտոն Նոսիկը հայտնել է, որ մեկնում է Արցախ:

«Առավոտյան գնում եմ Լեռնային Ղարաբաղի Հանրապետություն՝ հինավուրց հայկական Արցախ: Ասում են, ամենագեղեցիկ վայրն է ողջ Անդրկովկասում: Կարծիք կա, որ այնտեղ մուտք գործողները խախտում են Ադրբեջանի տարածքային ամբողջականությունը: Ինձ դա չի մտահոգում, քանի որ Ադրբեջանի գոյությունը իբրեւ ինքնիշխան պետական կազմավորում համարում եմ պատմական սխալ եւ թյուրիմացություն: Ինչպես որ այդ երկիրը գոյություն չուներ մինչեւ 1918 թվականը, այնպես էլ հետագա տարիներին աշխարհի քարտեզը կարող էր հանգիստ առանց նրա դիմանալ: Ափսոս, որ այդ երջանիկ հնարավորությունը կորսված է», - գրել է Անտոն Նոսիկը:

Նա նշել է, որ Ադրբեջանում իշխում է «կլեպտոկրատիկ ընտանեկան բռնապետությունը, որտեղ մարդակեր Ռամիլ Սաֆարովին համարում են ազգային հերոս, իսկ բլոգեր Լապշինին՝ վտանգավոր պետական հանցագործ»:

Անտոն Նոսիկն ասել է, որ բնական հանածոները «աշխարհի քարտեզում Ադրբեջանի ձգձգված ներկայության պահպանման միակ պատճառն են» եւ որ Մինսկից Լապշինի արտահանձնումը եւ Սաֆարովի ազատումը «նավթադոլարներով վճարված գործարքներ են»:

«Ի՞նչ կմնա Ադրբեջանից, երբ այդ փողերը վերջանան: Կապրենք, կտեսնենք: Այնքան էլ երկար չենք սպասելու», - եզրափակել է Անտոն Նոսիկը:

Մեդիամաքսը նշում է, որ Անտոն Նոսիկը առաջին անգամ չէ աջակցություն հայտնում հայկական կողմին:

2016թ. ապրիլյան պատերազմի օրերին նա իր ֆեյսբուքյան էջում «Ես եմ Արցախը» գրությամբ լուսանկար էր տեղադրել:

Մինչ այդ էլ Նոսիկը բազմիցս դատապարտել էր Ադրբեջանում Ռամիլ Սաֆարովի հերոսացումը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am