Երեւան: Մեդիամաքս: ՀՀ կառավարությունն առաջարկ է ստացել միջազգային ճանաչում ունեցող շոտլանդացի ռեժիսոր եւ սցենարիստ Դեյվիդ Մաքքենզիի կողմից՝ Հայաստանում հեռուստատեսության եւ կինոյի դպրոց հիմնելու վերաբերյալ:
Այս մասին կառավարության այսօրվա նիստում հայտարարել է վարչապետ Կարեն Կարապետյանը՝ ընդգծելով, որ առաջարկի համաձայն՝ հայաստանյան դպրոցը հանդես կգա որպես Լոս Անջելեսի կինոյի դպրոցի գործընկեր կառույց:
«Դպրոցի հիմնման համար նախատեսվում է մինչեւ $ 5 մլն-ի ներդրում կատարել»,- ասել է Կարեն Կարապետյանը:
Մշակույթի նախարարին հանձնարարվել է երկշաբաթյա ժամկետում ուսումնասիրել Դեյվիդ Մաքքենզիի առաջարկը եւ բանակցելու նպատակով ռեժիսորին հրավիրել Հայաստան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: