Երեւան: Մեդիամաքս: ՀՀ վարչապետ Կարեն Կարապետյանը կառավարության այսօրվա նիստում հանձնարարել է մեկամսյա ժամկետում գնահատել միջպետական, հանրապետական եւ մարզային նշանակության ավտոճանապարհների տեխնիկական վիճակը եւ առաջարկել դրանց հիմնանորոգման այլընտրանքային տարբերականեր:
ՀՀ տրանսպորտի, կապի եւ տեղեկատվական տեխնոլոգիաների նախարարին հանձնարարվել է կատարել համապատասխան ֆինանսական վերլուծություն, մշակել առաջնահերթությունների վրա հիմնած հնգամյա ծրագիր եւ ներկայացնել կառավարության աշխատակազմին:
Նախարարը պետք է գնահատի նաեւ ճանապարհների շահագործման համար գործող պայմանագրերի վիճակը, ինչպես նաեւ մրցույթների կազմակերպման ոլորտում կապալառու-սպասարկող միասնական համակարգի ներդրման հնարավորությունը:
Մինչեւ հունիսի 1-ը նախարարը կառավարության աշխատակազմին պետք է ներկայացնի նաեւ միասնական երթուղային ցանցի ստեղծման տեխնիկական առաջադրանքը:
«Հանձնարարում եմ նաեւ հատուկ ուշադրություն դարձնել ճանապարհային նշաններին, կապալառուների աշխատանքի որակին ու կարգապահությանը»,- ասել է Կարեն Կարապետյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: