Երեւան: Մեդիամաքս: ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանն այսօր ասել է, որ Հայաստանը ԵԱՀԿ Մինսկի խմբի համանախագահներից ակնկալում է առավել հասցեական մոտեցումներ:
Այս մասին Արմեն Աշոտյանն ասել է Հայաստանում ԱՄՆ դեսպան Ռիչարդ Միլսի հետ հանդիպմանը:
Արմեն Աշոտյանը կարեւորել է տարածաշրջանում խաղաղության եւ կայունության ապահովումը եւ բարձր գնահատել այս հարցում ԱՄՆ-ի դերը՝ որպես ԵԱՀԿ Մինսկի խմբի համանախագահող երկիր:
Անդրադառնալով ՀՀ ԱԺ արտաքին հարաբերությունների մշտական հանձնաժողովի հետ աշխատանքին՝ ԱՄՆ դեսպանն ասել է, որ այն խորհրդարանական դիվանագիտության առանցքային կառույցներից մեկն է:
«Մենք ակնկալում ենք շարունակել հանձնաժողովի հետ արդեն իսկ ձեւավորված գործընկերությունը՝ այժմ արդեն Ձեր հմուտ ղեկավարության ներքո ու համալրված նոր անդամներով, եւ արձանագրել նորանոր ձեռքբերումներ երկկողմ հարաբերությունների ամրապնդման ճանապարհին»,- ասել է Ռիչարդ Միլսը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: