Երեւան: Մեդիամաքս: Make Armenia Clean Again-ի թիմը եւ Realizeit LLC ընկերությունը թողարկել են KillZibil անվճար հավելվածը՝ Հայաստանի աղտոտված վայրերի միասնական քարտեզ ստեղծելու եւ այն իրական ժամանակում խմբագրելու համար:
Հավելվածը հասանելի է օգտատերերի լայն զանգվածին՝ շնորհիվ պարզ գործիքակազմի:
Հավելվածի հետ աշխատելու համար բավական է նկարել աղբը եւ ավելացնել լուսանկարը քարտեզի վրա: Հետադարձ կապն իրականացվում է նույնքան հեշտ. նկարի մեկնաբանություններում կարելի է ներբեռնել նոր լուսանկար, որի վրա պատկերված է արդեն մաքրված տարածքը:
Լուսանկարը` https://itunes.apple.com
Հավելվածի ստեղծողների կարծիքով, այն կդառնա շփման հարմար գործիք քաղաքացիների, ղեկավար մարմինների եւ մաքրության համար պատասխանատու կառույցների միջեւ: Make Armenia Clean Again-ի համայնքի սոցցանցային էջերում կհրապարակվի նոր աղտոտված կետերի ավելացման եւ դրանց մաքրման վիճակագրությունը:
Հավելվածը հասանելի է ներբեռնման համար AppStore-ում եւ Google Play-ում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: