Երեւան: Մեդիամաքս: ԶԼՄ-ների մոնիտորինգի, վերլուծության եւ գնահատման MaxMonitor համակարգը 2017 թվականի ընթացքում հետեւել է հայկական օնլայն մեդիայում նախարարների լուսաբանման ընթացքին:

Մոտ 130 լրատվական կայքերի դիտարկման արդյունքներով նախորդ տարվա ընթացքում ամենից շատ հիշատակված նախարարների եռյակն է՝

1. ՀՀ պաշտպանության նախարար Վիգեն Սարգսյան՝  17 437  հիշատակում:

2. ՀՀ արտաքին գործերի նախարար Էդվարդ Նալբանդյան ՝ 16 448 հիշատակում:

3. ՀՀ արդարադատության նախարար Դավիթ Հարությունյան՝  6 808 հիշատակում:

Հարկ է նշել, որ Դավիթ Հարությունյանը արդարադատության նախարար է նշանակվել 2017թ. մայիսին՝ այդ պաշտոնում փոխարինելով Արփինե Հովհաննիսյանին:

2017թ. ամենաքիչ հիշատակված նախարարների եռյակն է՝

1. ՀՀ էներգետիկայի և բնական պաշարների նախարար Աշոտ Մանուկյան՝ 2423  հիշատակում:

2. ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյան՝ 1984 հիշատակում:

3. ՀՀ սպորտի և երիտասարդության հարցերի նախարար Հրաչյա Ռոստոմյան՝ 1753 հիշատակում:

 

MaxMonitor-ի մասնագետների կողմից առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում է դրական, չեզոք եւ բացասական երանգ ունեցող հրապարակումների պատկերը:

Այն հասանելի է ստորեւ ներկայացվող աղյուսակում եւ վերաբերում է հաշվետու 12 ամիսներին:

Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ: