Երեւան: Մեդիամաքս: ՀՀ արտակարգ իրավիճակների նախարար Դավիթ Տոնոյանն այսօր ընդունել է «Հայկական Փի Ար ասոցիացիա» գիտատեղեկատվական ՀԿ Հանրային կապերի (PR) դպրոցի սաներին:
ԱԻՆ-ում նշել են, որ քննարկվել են արտակարգ իրավիճակների կառավարման տարբեր փուլերում հանրային կապերի եւ տեղեկատվական քաղաքականության առանձնահատկությունները:
Նախարարը ներկայացրել է նախարարության կառուցվածքը, գործունեության հիմնական ուղղություններն ու մարտահրավերները:
PR դպրոցի սաների հարցին, թե որն է հաջողության իր բանալին, նախարարը պատասխանել է, որ հաջողություն է համարում վերադասի կողմից իրեն վստահելու հանգամանքը՝ ղեկավարելու արտակարգ իրավիճակների կառավարման համար պատասխանատու կառույց, այսինքն՝ կարիերայի աճը հաջողություն դիտարկելու դեպքում «բանալին ինքն իր հետ եւ հանրության առջեւ ազնիվ լինելն է»:
Դավիթ Տոնոյանն ավարտական դիպլոմներ է հանձնել «Հայկական Փի Ար ասոցիացիա» գիտատեղեկատվական ՀԿ Հանրային կապերի դպրոցի 2017թ. շրջանավարտներին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: