Ներկայացվել է Ամուլսարի մասին ֆիլմի ամբողջական տարբերակը - Mediamax.am

4599 դիտում

Ներկայացվել է Ամուլսարի մասին ֆիլմի ամբողջական տարբերակը


Լուսանկարը` «Լիդիան Արմենիա»


Երեւան: Մեդիամաքս: «Լիդիան Արմենիա»-ն ներկայացրել է Ամուլսարի ծրագրի բնապահպանական կառավարման մասին վավերագրական փոքր ֆիլմ:

20 րոպե տեւողությամբ ֆիլմը նպատակ ունի պատասխանելու հաճախ տրվող հարցերին այն մասին, թե ինչպես է Ամուլսարի ծրագրում իրականացվելու շրջակա միջավայրի պաշտպանությունը: Մինչ հանքարդյունաբերական  ենթակառուցվածքներն այս պահին կառուցվում են, ֆիլմում, առանց տեխնիկական մանրամասների ներկայացված է, թե ինչպես են դրանք գործելու հանքի շահագործման ընթացքում:

 

 

«Ամուլսարի ծրագիրը նախագծվել է միջազգային առաջատար ինժեներական ընկերությունների կողմից: Նախատեսված աղտոտման կանխարգելման եւ բնապահպանական համապարփակ կառավարման միջոցառումները կիրառվում են աշխարհի տարբեր երկրներում՝ ժամանակակից հանքարդյունաբերական ծրագրերում: Այս տեխնոլոգիաները տալիս են հանքերի անվտանգ շահագործման եւ շրջակա միջավայրի բազմակողմ պաշտպանության հնարավորություն:

Ամուլսարի ծրագրի բոլոր բարդ տեխնոլոգիական գործընթացները եւ բնապահպանական կառավարման բոլոր միջոցառումներն ամբողջությամբ հնարավոր չէ  ներկայացնել 20 րոպե տեւողությամբ ֆիլմում: Մեր նպատակն էր հանրամատչելի նկարագրել տեխնոլոգիական գործընթացի որոշ կարեւոր մանրամասներ, ինչպես նաեւ ներկայացնել շինարարության ընթացքում «Լիդիան Արմենիայի» բնապահպանական թիմի ամենօրյա աշխատանքի մի մասը: Հույս ունենք, որ սա կլինի եւս մեկ քայլ շահագրգիռ բոլոր կողմերին ցուցադրելու, որ Ամուլսարի ծրագիրը լինելու է Հայաստանում պատասխանատու հանքարդյունաբերության առաջատար օրինակը»,- ասված է հաղորդագրությունում:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին