Երեւան: Մեդիամաքս: Մարտի 25-ին հայոց բոլոր եկեղեցիներում Ս. Պատարագի ավարտին կկատարվի մանուկների օրհնության հատուկ կարգ:
Այս տարի Հայաստանյայց Առաքելական Ս. Եկեղեցին Ծաղկազարդը տոնախմբելու է մարտի 25-ին: Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի օրհնությամբ տոնը տարիներ առաջ նաեւ հռչակվել է որպես մանուկների օրհնության օր:
Այս կապակցությամբ հայոց բոլոր եկեղեցիներում Ս. Պատարագի ավարտին կատարվում է մանուկների օրհնության հատուկ կարգ:
Մայր Աթոռ Սուրբ Էջմիածնում կկատարվեն հետեւյալ արարողությունները`
1. Առավոտյան ժամը` 10:00-ին, Մայր Տաճարի շրջափակում տեղի կունենա Անդաստանի արարողություն եւ մանուկների օրհնություն,
2. Ս. Պատարագի ավարտին` ժամը` 13:00-ին, կկատարվի մանուկների օրհնության հատուկ կարգ:
Ստորեւ ներկայացնում ենք նաեւ Մայր Աթոռ Սուրբ Էջմիածնում Ավագ շաբաթվա արարողությունների ամբողջական ժամանակացույցը.
ԾԱՂԿԱԶԱՐԴԻ ԿԻՐԱԿԻ (մարտի 25)
- Անդաստան եւ մանուկների օրհնություն - ժամը` 10:00
- Ս. Պատարագ - ժամը` 11:00
- Դռնբացեք - ժամը` 17:30
ԱՎԱԳ ՀԻՆԳՇԱԲԹԻ (մարտի 29)
- Առավոտյան ժամերգություն եւ Կարգ ապաշխարողաց - ժամը` 7:30
- Սուրբ Պատարագ - ժամը` 10:30
- Ոտնլվայի կարգ - ժամը` 16:00
- Խավարման կարգ - ժամը` 19:00
ԱՎԱԳ ՈՒՐԲԱԹ (մարտի 30)
- Խաչելության կարգ - ժամը` 12:00
- Թաղման կարգ - ժամը` 17:30
ԱՎԱԳ ՇԱԲԱԹ (մարտի 31)
- Ճրագալույցի Ս. Պատարագ - ժամը` 17:30
ՍՈՒՐԲ ՀԱՐՈՒԹՅԱՆ ՏՈՆ (ապրիլի 1)
- Զատկական Հայրապետական Ս. Պատարագ - ժամը` 10:30
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: