Երեւան: Մեդիամաքս: Երեւանի քաղաքապետ Տարոն Մարգարյանն այսօր հեռախոսազրույց է ունեցել ՀՀ ոստիկանապետ Վալերի Օսիպյանի հետ։
Քաղաքապետարանի մամուլի ծառայությունում նշել են, որ զրույցը պայմանավորված է եղել քաղաքապետարանի շենք ներխուժմամբ:
Ոստիկանապետը հայտնել է, որ «բացատրական աշխատանքներ են տարվում դեպքի առնչությամբ ցուցարարների հետ»։
Մեդիամաքսը նշում է, որ քաղաքացիների բողոքը պայմանավորված է Երեւանի Ալեքսանդր Մյասնիկյանի արձանի հետնամասում գտնվող այգում իրականացվող շինարարական աշխատանքներով եւ հատվող ծառերով:
Քաղաքացիները պահանջում են շինարարության դադարեցում, ինչպես նաեւ քաղաքապետ Տարոն Մարգարյանի հրաժարականն ու ավագանու արձակումը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: