Երեւան: Մեդիամաքս: «Երեւանյան ամառ 2018» ծրագրի շրջանակում հուլիսի 22-ին՝ ժամը 18:00-ին, Կարապի լճի հարակից տարածքում կմեկնարկի Ձմերուկի 6-րդ փառատոնը:

Երեւանի քաղաքապետարանում նշել են, որ փառատոնի մեկնարկը կտրվի շքերթ-դիմակահանդեսով, որը կանցկացվի ժամը 18:00-19:00-ը Կարապի լիճ - Հյուսիսային պողոտա - Կարապի լիճ հետագծով: 

Ժամը 19:00-ին տեղի կունենա փառատոնի բացման արարողությունը, որին կհաջորդեն մրցույթներ, հյուրասիրություն, երաժշտական ծրագիր, խաղեր եւ այլն:

Մրցույթների հաղթողները կարժանանան մրցանակների: