Երեւան: Մեդիամաքս: Սեպտեմբերի 22-23-ը Հայաստանում կանցկացվեն «Եվրոպական ժառանգության օրերը»:
Միջոցառումների պաշտոնական մեկնարկը կտրվի սեպտեմբերի 22-ին՝ ժամը 13:00-ին, Գաֆէսճեան արվեստի կենտրոնում։
Միջոցառումները կանցկացվեն «Կիսվելու արվեստը» խորագրով։
«Եվրոպական ժառանգության օրեր» միջոցառումն անցկացվում է ամեն տարի՝ Եվրոպական մշակութային կոնվենցիային միացած 50 եվրոպական երկրներում:
2018թ. հռչակվել է որպես «Մշակութային ժառանգության եվրոպական տարի»։
Եվրոպական ժառանգության օրերին «Էրեբունի» պատմահնագիտական արգելոց-թանգարանը կմիանա նոր էլեկտրոնային ցուցահանդեսով՝ «Հայկական ժառանգությունը Եվրոպայում. կիսվելու արվեստը» խորագրի ներքո:
Արգելոց-թանգարանը՝ ՀՀ մշակույթի նախարարության հետ համատեղ, նաեւ գիտաճանաչողական շրջայց կիրականացնի ուրարտական «Կարմիր բլուր» կամ «Թեյշեբաինի» հնավայր։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: