Երեւան: Մեդիամաքս: Հայաստանի վարչապետ Նիկոլ Փաշինյանը հոկտեմբերի 8-ին հրաժեշտի հանդիպում է ունեցել ԱՄՆ դեսպան Ռիչարդ Միլսի հետ, որն ավարտում է դիվանագիտական առաքելությունը Հայաստանում:
Կառավարության մամուլի ծառայության տրամադրած լուսանկարներում երեւում է, որ Ռիչարդ Միլսը Նիկոլ Փաշինյանին գիրք է նվիրել:
Գիրքը ԱՄՆ «Հիմնադիր հայրերից» մեկի եւ ԱՄՆ երկրորդ նախագահ (1797-1801թթ.) Ջոն Ադամսի կենսագրությունն է: Այն 2001 թվականին գրել է ամերիկացի հայտնի պատմաբան Դէվիդ ՄքՔալողը: 2002 թվականին գիրքն արժանացել է Պուլիտցերյան մրցանակի, իսկ HBO հեռուստաալիքը գրքի հիման վրա սերիալ է նկարահանել:
Դէվիդ ՄքՔալողը վեց տարի ուսումնասիրել է Ջոն Ադամսի, մասնավորապես, կարդացել է նրա կարդացած գրքերը եւ ապրել է նույն վայրերում, ինչ ԱՄՆ երկրորդ նախագահը:
The New York Review of Books պարբերականը նշել է, որ «սա Ջոն Ադամսի երբեւէ գրված լավագույն կենսագրությունն է»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: