Երեւան: Մեդիամաքս: Հոկտեմբերի 10-ին Հայոց ցեղասպանության թանգարան-ինստիտուտում Ֆրանկոֆոնիայի գագաթնաժողովի շրջանակներում կբացվի ժամանակավոր ցուցադրություն՝ ֆրանսահայ լուսանկարիչ Գրիգոր Ջոլոլյանի հազվագյուտ ու անտիպ լուսանկարների ցուցահանդեսը:
Լուսանկարները ներկայացնում են 1930-1940-ականների փարիզյան իրականությունը, ֆրանսահայ համայնքի, Փարիզի ազատագրման եզակի դրվագները:
Գրիգոր Ջոլոլյանն այն հայորդիներից էր, որոնք վերապրելով Հայոց ցեղասպանությունը, վերջնականորեն հանգրվանեցին Ֆրանսիայում եւ իրենց ձեռագիրը թողեցին Ֆրանսիայի պատմության մեջ: Երբեմնի հաջողակ մարզիկը դարձավ լուսանկարիչ՝ շարունակելով մարզական լուսանկարչության ավանդույթները:
Ցուցադրության մեջ ներկայացվելու են նաեւ Շառլ Ազնավուրի եզակի լուսանկարները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: