510 դիտում

Նաիրա Պետրոսյան. Իմ տատիկը



Ես գիտեմ, որ բոլորս էլ սիրում ենք մեր տատիկներին ու պապիկներին, բայց իմ տատիկի նման խորագետ, կանացի, մաքրասեր, հայրենասեր, բարի ու շատ խիստ տատիկ, ոչ բոլորն ունեն: Ես գիտեմ, որ հիմա իմ տատին զգում է, որ ես նրա մասին եմ մտածում, ես գրում եմ այս շարադրությունը, որովհետև տատիկիս մասին կարող եմ անվերջ պատմել: Այն մարդը, որ կա՛մ այսօր, տատի՛ս շնորհիվ է:

Իմ տատիս միշտ ամեն հարցի վերաբերյալ ուներ իր հստակ դիրքորոշումը: Մինչև վերջին շունչը մտածում ու խնդրում էր Աստծուն, որ մեր Մասիսը հետ գա մեզ: Միշտ ասում էր,- Դուք ի՞նչ գիտեք, Րաֆֆի կարդացեք, որ ձեր երկրի պատմությունն իմանաք: Ամեն օր հիշում եմ տատիկիս խրատները ու հավատացեք, այդ խոսքերը ինձ միտ օգնում են ու դեռ կօգնեն կայացնել ճիշտ որոշումներ: Չեմ կարող խոսքով փոխանցել, ինչքան եմ ափսոսում, որ ավելի մեղմ չեմ եղել տատիս հետ, ավելի շատ ժամանակ չեմ անցկացրել: Իմ տատիս, իմ տատիս, ոնց եմ քեզ կարոտում, ինչքան ունեմ քո կարիքը, քո ծանր, ճիշտ խոսքի կարիքը: Ես տատիս երազիս տեսնում եմ, ոչ միշտ, միայն այն ժամանակ, երբ լուրջ խնդիր ունեմ: Իմ տատիս, համբուրում եմ քեզու շատ կարոտում: Հիմա գրում եմ քո մասին ու լացում, երևի որովհետև էս պահին քո ձայնն եմ հիշում, քո պատմությունները, ձեր գյուղի մասին, մեր երկրի պատմության մասին:  Ես շատ ուրախ եմ,որ քո հետ եմ ապրել ու իմ երջանկության համար, Աստծուն, քեզ եմ պարտական:

Ես քեզ շատ եմ սիրում, ներիր ինձ:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am