100 ամենաազդեցիկ լուսանկարները՝ «Դալի Ատոմիկուս» - Mediamax.am

2917 դիտում

100 ամենաազդեցիկ լուսանկարները՝ «Դալի Ատոմիկուս»


«Դալի Ատոմիկուս»
«Դալի Ատոմիկուս»

Լուսանկարը` Ֆիլիպ Հալսման


Ամերիկյան Time ամսագիրը ընտրել է «Բոլոր ժամանակների ամենաազդեցիկ 100 լուսանկարները»: Մեդիամաքսը պարբերաբար իր ընթերցողներին կներկայացնի Time-ի պատմությունները այդ լուսանկարների ստեղծման մասին:

 

Ֆիլիպ Հալսման` «Դալի Ատոմիկուս»

 

Նյու Յորք, 1948 թվական

 

Նշանավոր լուսանկարիչ Ֆիլիպ Հալսմանն իր աշխատանքներում ցուցադրում էր լուսանկարվողների էությունը, դա ամենակարեւորն էր իր համար:

 

Երբ Հալսմանը որոշեց լուսանկարել իր մտերիմ ընկերոջը՝ Սալվադոր Դալիին, նա վստահ էր՝ բավարար չէ պարզապես Դալիին ինչ-որ տեղ նստեցնել ու այդպես պատկերել: Ոգեշնչվելով Դալիի՝ «Լեդա Ատոմիկա» լուսանկարից, Հալսմանը փորձ արեց վերստեղծելու կտավը, որն, ի դեպ, գտնվում է լուսանկարի աջ անկյունում:

 

Լուսանկարում տեսնում ենք թռչող երեք կատու, օդում` Սալվադոր Դալիին եւ ջուր:

 

Հալսմանին օգնում էին լուսանկարչի կինն ու դուստրը: Հալսմանը սկսեց հաշվել` իր հրահանգով կինն ու դուստրը դեպի Դալի նետեցին կատուներին ու թափեցին ջուրը: Այդ ընթացքում սյուռեալիստը պիտի հասցներ վեր թռչել: Ձկան թելով առաստաղից կախված էին երկու կտավները, մոլբերտն ու աթոռը:

 

28 անգամ «նկարահանող խմբի անդամները» ստիպված էին կրկնել գործողություններն ու նետել կատուներին, որ Հալսմանը կարողանար որսալ ցանկալի արդյունքը:

 

Ընդհանուր առմամբ նկարահանումը տեւել է 6 ժամ: Լուսանկարը տպագրվեց Life ամսագրում: Դալին, մինչ լուսանկարի տպագրվելը, մի քանի շտրիխ ավելացրեց վրան:

 

Time ամսագիր

Պատրաստեց Լենա Գեւորգյանը

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին