100 ամենաազդեցիկ լուսանկարները՝ Ներխուժումը Պրահա - Mediamax.am

2973 դիտում

100 ամենաազդեցիկ լուսանկարները՝ Ներխուժումը Պրահա


Լուսանկարը`


Ամերիկյան Time ամսագիրը ընտրել է «Բոլոր ժամանակների ամենաազդեցիկ 100 լուսանկարները»: Մեդիամաքսը պարբերաբար իր ընթերցողներին է ներկայացնում Time-ի պատմությունները այդ լուսանկարների ստեղծման մասին:

 

Յոզեֆ Կուդելկա, Ներխուժումը Պրահա, 1968թ.

 

ԽՍՀՄ-ը ղեկավարներին չէր ոգեւորում «մարդկային դեմքով սոցիալիզմը», որը Ալեքսանդր Դուբչեկի կառավարությունը փորձում էր կառուցել Չեխոսլովակիայում:

 

Մտավախություն ունենալով, որ Դուբչեկի` մարդու իրավունքների բարելավմանն ուղղված քայլերը կարող են ապստամբության հանգեցնել, ինչպես դա տեղի ունեցավ 1956 թվականին Հունգարիայում, Վարշավյան բլոկը որոշեց չեզոքացնել վտանգը:

 

1968 թվականի օգոստոսի 10-ին տանկերը ներխուժեցին Չեխոսլովակիա: Չնայած նրանք արագ վերահսկողություն հաստատեցին Պրահայում, զորքերը անսպասելիորեն դիմադրության բախվեցին՝ մարդիկ բարիկադներ էին կառուցում, քարկոծում էին տանկերը, տապալում էին բեռնատար մեքենաները: Ոմանք ջնջում էին փողոցի նշանները` զորքերին շփոթեցնելու նպատակով:

 

Ներխուժման օրը չեխ ժողովրդի առօրյան լուսանկարող երիտասարդ մորավիացի ճարտարագետ Յոզեֆ Կուդելկան գտնվում էր մայրաքաղաքում եւ սկսեց լուսանկարել ստեղծված իրարանցումը:

 

Այդ օրերին նրա արված ամենահայտնի լուսանկարներից մեկում պատկերված է տղամարդու ձեռքը, ով իր ժամացույցը ցուցադրում է խորհրդային զորքերի ներխուժումից հետո ամայացած փողոցների ֆոնին:

 

Կուդելկայի լուսանկարները գաղտնի կերպով դուրս բերվեցին Չեխոսլովակիայից եւ 1969 թվականին հրատարակվեցին London Sunday Times-ում` P.P.(Prague photographer) կեղծանվան տակ:

 

Time ամսագիր

 

Պատրաստեց Աննա Բուբուշյանը

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին