Երեւան: Մեդիամաքս: Թուրքիայում ձերբակալվել են 2015թ. նոյեմբերին Սիրիայում ռուսական Սու-24 ինքնաթիռը խոցած օդաչուները:
ՏԱՍՍ-ի հաղորդման համաձայն, այդ տեղեկությունը հաստատել է Թուրքիայի արդարադատության նախարար Բեքիր Բոզդագը: Այլ մանրամասներ նա չի հաղորդել:
Մեդիամաքսը նշում է, որ այսօր Ինգուշեթիայի ղեկավար Յունուսբեկ Եւկուրովը կարծիք է հայտնել, որ ռուսական ինքնաթիռը խոցած օդաչուները պատկանել են այն շրջանակներին, որոնք ծրագրել էին զինվորական հեղաշրջում կազմակերպել Թուրքիայում:
Եւկուրովն ասել է, որ Թուրքիայի բարձրագույն ղեկավարությունը կարող էր տեղյակ չլինեն ռուսական օդանավը խոցելու որոշման մասին, որը կայացվել էր երկու պետությունների հարաբերություններում սեպ խրելու նպատակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: