29512 դիտում

Վարչապետը ծանոթացել է «Էրեբունի» արգելոցի արդիականացման ծրագրին


Լուսանկարը` ՀՀ կառավարության մամուլի ծառայություն

Լուսանկարը` ՀՀ կառավարության մամուլի ծառայություն

Լուսանկարը` ՀՀ կառավարության մամուլի ծառայություն

Լուսանկարը` ՀՀ կառավարության մամուլի ծառայություն


Երեւան: Մեդիամաքս: ՀՀ վարչապետ Կարեն Կարապետյանն այսօր «Էրեբունի» պատմահնագիտական արգելոց-թանգարանում ծանոթացել է վերջինիս արդիականացման ծրագրին:

«Նախատեսվում է ստեղծել մի միջավայր, որը կունենա մատուցման նորարարական մոտեցումներ։ Որոշ հատվածներում, որտեղ ավարտվել են պեղումները, շինությունները լրացվելու, վերականգնվելու են որոշակի ճարտարապետական լուծումներով», - հաղորդել են կառավարության մամուլի ծառայությունից:

Վարչապետին ներկայացվել են նաեւ մայրաքաղաքի Շենգավիթ պատմահնագիտական արգելոցի, ինչպես նաեւ Կարմիր Բլուր հնավայրի վերականգնման եւ զբոսաշրջային ենթակառուցվածքների ստեղծման ծրագրային առաջարկները:

Կարեն Կարապետյանն այսօր Երեւանի քաղաքապետ Տարոն Մարգարյանի ուղեկցությամբ այցելել է նաեւ «Դալմա Մոլ» համալիրի հարեւանությամբ գտնվող տարածք, որտեղ նախատեսվում է իրականացնել «Հայկական Գյուղ» ազգագրական թաղամասի կառուցապատման ներդրումային ծրագիրը:

Ազգագրական թաղամասի նախագծային փաստաթղթերի մշակման աշխատանքները սկսված են: Կառուցապատման ներդրումային ֆոնդը գտնվում է  ձեւավորման փուլում:

Վարչապետը հանձնարարել է կարճ ժամանակահատվածում ներկայացնել ծրագրի վերջնական տարբերակը՝ այն ներդրողների հետ քննարկելու նպատակով:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am