Vintage everyday կայքում Մեդիամաքսը հայտնաբերել է խորհրդային ժամանակաշրջանի Երեւանի նկարներ, որոնք թվագրված են 1964 թվականով: Ցավոք, կայքում նշված չեն լուսանկարների հեղինակները, բայց կարելի է ենթադրել, որ դրանք արվել են Երեւանն այցելած արտասահմանցիների կողմից:
Լուսանկարը` Vintage everyday
Այս նկարն արվել է ներկայիս Մաշտոցի պողոտայում, Կոնսերվատորիայի մոտ:
Ստալինի արձանն արդեն ապամոնտաժվել է, իսկ Մայր Հայաստանը դեռ չի տեղադրվել:
Կարող ենք նկատել նաեւ, որ ներկայիս Քոչարի թանգարանի տարածքում գործում է խաղալիքների խանութը:
Լուսանկարը` Vintage everyday
Սա էլ Ստալինի արձանի դատարկ պատվանդանն է:
Լուսանկարը` Vintage everyday
Ինչպես եւ այսօր, Օպերային թատրոնի հարեւանությամբ տեղադրվում էին աֆիշաները:
Լուսանկարը` Vintage everyday
Սպասվում է Թաթուլ Ալթունյանի ղեկավարած երգի-պարի անսամբլի համերգը:
Լուսանկարը` Vintage everyday
Տատիկն ու թոռնիկը քայլում են Փակ շուկայի մոտ:
Լուսանկարը` Vintage everyday
Սա էլ շուկայի ներսում է՝ պապիկը գովում է իր գազարը:
Լուսանկարը` Vintage everyday
Բողկն էլ վատը չէ:
Լուսանկարը` Vintage everyday
Իսկ ահա լավաշը վաճառում են սանիտարական կասկածելի պայմաններում:
Լուսանկարը` Vintage everyday
Հիմա այստեղ «Երեւան Սիթի» հանրախանութն է:
Լուսանկարը` Vintage everyday
Պապիկը ինչ-որ բեռ է տանում, իսկ փոքրիկ աղջիկը նկատել է լուսանկարչին:
Լուսանկարը` Vintage everyday
Մանկապարտեզի սաները Երեւանի այգիներից մեկում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: