23229 դիտում

Երեւանում կիրականացվի «Խելացի քաղաք» ծրագիրը


Լուսանկարը` Երեւանի քաղաքապետարանի մամուլի ծառայություն

Լուսանկարը` Երեւանի քաղաքապետարանի մամուլի ծառայություն

Լուսանկարը` Երեւանի քաղաքապետարանի մամուլի ծառայություն

Լուսանկարը` Երեւանի քաղաքապետարանի մամուլի ծառայություն


Երեւան: Մեդիամաքս: Երեւանի քաղաքապետարանը, ՎիվաՍել-ՄՏՍ-ն ու Տեղեկատվական եւ հաղորդակցության տեխնոլոգիաների գործատուների միությունն այսօր կնքել են համագործակցության հուշագիր, որի շրջանակում կաջակցեն «Երեւան` խելացի քաղաք» ռազմավարական ծրագրի իրագործմանը:

Երեւանի քաղաքապետարանը կկազմակերպի կարճաժամկետ եւ երկարաժամկետ միջոցառումներ, որոնք կնպաստեն քաղաքային տնտեսության կառավարման բոլոր բնագավառներում առկա խնդիրների եւ առօրյա կենսագործունեության ապահովման նորարարական լուծումների մշակմանը։

ՎիվաՍել-ՄՏՍ-ը սոցիալական ներդրումների իր ծրագրով կաջակցի նախագծով նախատեսված համատեղ ծրագրերի իրականացմանը, որոնք նորարարական լուծումների վրա հիմնված ենթակառուցվածքների ստեղծմամբ կնպաստեն Երեւանի հետագա զարգացմանը։

«Ժամանակակից քաղաքն անհնար է պատկերացնել առանց արդի տեխնոլոգիական լուծումների վրա հիմնված ենթակառուցվածքի: Դժվար է գերագնահատել տեղեկատվական եւ հեռահաղորդակցության տեխնոլոգիաների դերը քաղաքային տնտեսության զարգացման գործում: Այդ տեխնոլոգիաները պետք է ծառայեն քաղաքի բնակիչներին՝ ապահովելով առավել հարմարավետ պայմաններ»,- նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Տեղեկատվական եւ հաղորդակցության տեխնոլոգիաների գործատուների միությունը, իր հերթին, պատրաստակամություն է հայտնել մասնակցել ծրագրի մշակման եւ իրականացման աշխատանքներին:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am