Երեւան: Մեդիամաքս: Այսօր շահագործման է հանձնվել Ուլնեցի եւ Ռուբինյանց փողոցները կապող 2.6 կմ ընդհանուր երկարությամբ նոր ավտոճանապարհը։

Ինչպես հաղորդում է Երեւանի քաղաքապետարանի տեղեկատվության եւ հասարակության հետ կապերի բաժինը, ճանապարհի երթեւեկելի մասի լայնությունը 9մ է, երկու կողմերից հետիոտնային մայթերի լայնությունը՝  1.5մ։

Կառուցվել են նաեւ նոր ճանապարհը Ռուբինյանց փողոցին կապող, 290 գծմ ընդհանուր երկարությամբ մոտեցման երկու ուղիներ, իսկ վերակառուցված կամրջի երկարությունը 66մ է, երթեւեկելի մասի լայնությունը՝ 7.5մ: Կամրջի երկու կողմերում մեկական մետր լայնությամբ մայթեր են:

Նորակառույց ճանապարհային հանգույցի շնորհիվ նախատեսվում է, որ  կբեռնաթափվի Դավիթ Անհաղթի, Պարույր Սեւակի եւ Ռուբինյանց փողոցների խաչմերուկի, Ռուբինյանց եւ Ուլնեցի փողոցների երթեւեկությունը։