Երեւան: Մեդիամաքս: Մեդիամաքս-ը «Գրքերի տաղավար» խորագրում շարունակում է ներկայացնել Հայաստանում լույս տեսած գրքերը:

Հրատարակված գրքերին վերաբերող տեղեկատվությունը տրամադրվում է հրատարակչությունների կողմից:

«1984»

Ջորջ Օրուել

Հրատարակչությունը`Անտարես

Հրատարակության լեզուն`հայերեն

Ծավալը` 336 էջ

Չափը`60x84 -1/16

Կազմը` փափուկ, կոշտ

Տպագրությունը` օֆսեթ

Որտեղ գնել` «Հայ գիրք» գրախանութների ցանցում (Հեռ`010 54 07 06)

1949 թվականին հրատարակված այս հանրահայտ վեպը նախկին ԽՍՀՄ-ում առաջին անգամ լույս տեսավ 1988-ին: Տարբեր ժամանակներում տարբեր երկրներում պարբերաբար արգելվել է՝ երբեմն ծիծաղելի փաստարկներով ու

պատճառաբանություններով: Հայերեն լույս է տեսնում առաջին անգամ:

«Կոլիմյան Պատմվածքներ»

Վառլամ Շալամով

Թարգմանիչներ`Ն.Աթաբեկյան,Բախտամյան,Գաբրիելյան,Հովհաննիսյան

Հրատարակչությունը`Ոգի Նաիրի

Հրատարակության լեզուն`հայերեն

Ծավալը`336 էջ

Կազմը`փափուկ

Տպագրությունը` սեւ սպիտակ

Որտեղ գնել`Բուկինիստ գրախանութում (Հեռ`010 53 62 27)

Գերազանցապես ինքնակենսագրական փաստեր են հիմք հանդիսացել ռուս անվանի գրող Վառլամ Շալամովի ստեղծագործությունների համար: Նրա հանրահայտ Կոլիմյան պատումները հավաստիորեն եւ հոգեբանական խտացումներով պատկերում են խորհրդային շրջանի գուլագյան իրականությունը`դժոխային ու մարդկային տոկունության ցնցող երեւույթների գեղարվեստական վառ արտացոլմամբ: Շալամովի ստեղծագործությունները թարգմանաբար առաջին անգամ են ներկայացվում հայ ընթերցողին:

«Ընթերցողը»

Բերնհարդ Շլինկ

Հրատարակչությունը` Զանգակ

Թարգմանությունը գերմաներենից՝ Գայանե Գինոյանի

Ծավալը`192 էջ

Չափը՝ 12x20 սմ

Կազմը՝ փափուկ

Տպագրությունը՝ օֆսեթ

Գինը՝ 2400 դրամ

Որտեղ գնել` Զանգակ գրատուն

Գերմանացի գրող Բերնհարդ Շլինկի «Ընթերցողը» վեպը տասնհինգամյա պատանու եւ երեսունվեցամյա կնոջ սիրո պատմություն է, որն ընդհատվում է այդ կնոջ անսպասելի անհետացումով: Տարիներ անց պատանին, որն արդեն իրավաբանություն էր ուսանում, կնոջը հանդիպում է դատարանում: Պարզվում է, որ նա հսկիչ է եղել համակենտրոնացման ճամբարում: Վեպում յուրօրինակ ձեւով քննարկվում են հոլոքոստի, նացիոնալ-սոցիալիստական ժամանակների իրողությունները, մեղքի եւ քավության խնդիրը:

«Ռոբինզոն»

Արամ Պաչյան

Հրատարակչությունը`Անտարես

Հրատարակության լեզուն`հայերեն

Ծավալը`168 էջ

Չափը`60x84-1/16

Կազմը` կոշտ, փափուկ

Տպագրությունը` օֆսեթ

Որտեղ գնել` «Հայ գիրք» գրախանութների ցանցում (Հեռ`010 54 07 06)

Պատմվածքների այս ժողովածուն համաշխարհային «ռոբինզոնադի» ավանդույթների յուրօրինակ շարունակությունն է՝ Արամ Պաչյանի գրողական ինքնատիպության դրոշմով: Երբեք չթուլացող զգայականությամբ, կառուցվածքային նուրբ խաղարկումներով հատկանշվող այդ պատմվածքներում յուրաքանչյուր հերոս յուրովի է փնտրում ու գտնում մարդկային նախաստեղծ պարզ ու անկեղծ կեցության իր կղզին:

«Միֆ անուն մշակույթ»

Յուրի Լոտման

Հրատարակչությունը`Ոգի Նաիրի

Հրատարակության լեզուն`հայերեն

Ծավալը`344 էջ

Կազմը`փափուկ

Տպագրությունը` սեւ սպիտակ

Գինը`3000 դրամ

Որտեղ գնել`Բուկինիստ գրախանութում (Հեռ`010 53 62 27)

Ժողովածուն ընդգրկում է ռուս նշանավոր մշակութաբան եւ գրականագետ Յուրի Լոտմանի հոդվածների ընտրանին: Նման ծավալով եւ առանձին հրատարակությամբ Յու.Լոտմանը առաջին անգամ է ներկայանում հայ մշակութասեր ու գրական հասարակությանը:

«Երկվորյակների արեւը»

Հրաչյա Սարիբեկյան

Հրատարակչությունը`Անտարես

Ծավալը`216 էջ

Չափը`60x84-1/16

Կազմը` կոշտ

Տպագրությունը` օֆսեթ

Որտեղ գնել`«Հայ գիրք» գրախանութների ցանցում (Հեռ`010 54 07 06)

Մի աշխարհ, որ թիթեռները կարող են ճչալ, խլեզներն այնքան են իմաստուն, որ պատահական շարժումերով չեն ուզում իրենց հատկացված հավերժությունը սպառել, ծղրիդներն ինչ-որ բան են հաղորդում մարդկանց, հանգուցյալներն ստվերներ են ձեւանում. տիեզերական անդունդն ընկած մոլորակի մոռացված այդ անկյունում, ուր ժամանակն անզոր է ժամացույցներ ենթարկել իրեն, ապրում է վանական, որ ագռավներ է որսում եւ ճերմակ մազերով մի մանուկ, ում գրպանում Աստծո գոյության իրեղեն ապացույցն է: Վեպը փոքրիկ տղայի եւ մահվան մտերմության, ինքնության եւ անհետ կորած հոր փնտրտուքների մասին է, իսկ անհետացած մարդուն որոնելը նույնն է, ինչ Աստծուն փնտրելը:

«Գրքերի տաղավար» խորագրի հետ համագործակցել ցանկացող հրատարակիչները կարող են զանգահարել Մեդիամաքս-ի աշխատակից Լիլիթ Գյոզալյանին` 010 54 33 84: