Երեւան: Մեդիամաքս: ՀՀ եւ ՌԴ պաշտպանություն նախարարներ Վիգեն Սարգսյանը եւ Սերգեյ Շոյգուն այսօր Մոսկվայում ստորագրել են երկու երկրների միջեւ Հավաքական անվտանգության կովկասյան տարածաշրջանում Զինված ուժերի միացյալ զորախմբի մասին համաձայնագիրը:
ՌԴ ՊՆ հաղորդագրության մեջ նշվում է, որ խմբավորումը կներառի Հայաստանի տարածքում գործող 102-րդ ՌԴ ռազմակայանը եւ ՀՀ ԶՈւ ստորաբաժանումները:
Խմբավորման հիմնական խնդիրներից են Ռուսաստանի եւ Հայաստանի ցամաքային սահմանների պաշտպանությունը, այդ թվում՝ Հավաքական անվտանգության պայմանագրի կազմակերպության (ՀԱՊԿ) ուժերի եւ միջոցների հետ համատեղ:
ՀՀ եւ ՌԴ պաշտպանական գերատեսչությունների ղեկավարները նաեւ հաստատել են 2017թ. համագործակցության ծրագիրը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: