Երեւան: Մեդիամաքս: ԱՄՆ-ն մտահոգություն է հայտնել ադրբեջանցի լրագրող Աֆգան Մուխթարլիին 6 տարվա ազատազրկման դատապարտելու վերաբերյալ:
Այդ մասին հայտարարել է ԱՄՆ Պետքարտուղարության մամուլի խոսնակ Հիզեր Նոուէրտը:
«Հաղորդագրությունների համաձայն, մայիսի 30-ին պարոն Մուխթարլին առեւանգվել էր Վրաստանում, ապա ձերբակալվել Ադրբեջանում՝ մաքսանենգության եւ դրա հետ կապված մեղադրանքների համար, որոնք ակնհայտ քաղաքական ենթատեքստ ունեն:
Կոչ ենք անում Ադրբեջանի կառավարությանը ազատ արձակել պարոն Մուխթարլիին եւ բոլոր նրանց, ովքեր դատապարտվել են իրենց հիմնարար ազատությունները իրականացնելու համար:
Մենք ուշադիր հետեւում ենք առեւանգման վերաբերյալ Վրաստանում իրականացվող հետաքննությանը եւ կրկին հորդորում ենք, որ այն լինի լիարժեք, թափանցիկ եւ ժամանակին»,- ասել էր Հիզեր Նաուէրտը:
ԵԱՀԿ մամուլի ազատության հարցերով ներկայացուցիչ Հարլեմ Դեզիրը նույնպես դատապարտել է Աֆգան Մուխթարլիի ձերբակալությունը.
«Հետաքննող լրագրողի՝ կեղծ մեղադրանքների վրա հիմնված ազատազրկումը ազատ մեդիայի դեմ ուղղված հստակ հարձակում է: Անկախ լրագրողներին լռեցնելը երբեք չի կարող ընդունելի լինել»,- ասել է Դեզիրը: Նա նաեւ հիշեցրել է, որ
վրացական կողմի հետաքննությունը դեռեւս չի ավարտվել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: