Երեւան: Մեդիամաքս: ՀՀԿ կողմից ՀՀ նախագահի թեկնածու առաջարկված Արմեն Սարգսյանի գրասենյակի հանրային կապերի աշխատանքը համակարգում է ՀՀ նախագահի օգնական Հասմիկ Պետրոսյանը:
Այս տեղեկությունը Մեդիամաքսի հետ զրույցում հաստատել է ինքը՝ Հասմիկ Պետրոսյանը, նշելով, որ աշխատանքն իրականացնում է հասարակական հիմունքներով եւ գտնվում է պաշտոնական արձակուրդում:
Մեդիամաքսը հիշեցնում է, որ Հասմիկ Պետրոսյանը Արմեն Սարգսյանի հետ աշխատել է դեռեւս 1996 թվականին, երբ վերջինս Հայաստանի վարչապետն էր:
Հասմիկ Պետրոսյանը Հայաստանի պետական ոլորտի հանրային կապերի ամենափորձառու մասնագետներից է, երկար տարիներ ղեկավարել է ՀՀ վարչապետի, ՀՀ նախագահի մամուլի ծառայությունները:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: