Երեւան: Մեդիամաքս: Ադրբեջանը բողոքի նոտա է հղել Ռուսաստանին՝ ռուսաստանյան $ 200 մլն վարկի շրջանակում Հայաստանին զենք վաճառելու հետ կապված:
Ինչպես նշված է նոտայում, «Ադրբեջանը բազմիցս անհերքելի փաստեր է հաղորդել միջազգային հանրությանը, որոնց համաձայն` Հայաստանի ձեռք բերած զենքն ու զինամթերքը տեղակայվում է ադրբեջանական գրավյալ տարածքներում՝ Լեռնային Ղարաբաղի տարածաշրջանում», հայտնում է Trend-ը:
«Առանց արտահանող երկրի համաձայնության` այդ զինամթերքը գրավյալ տարածքներում տեղակայելով` Հայաստանը կոպտորեն խախտում է իր ստանձնած միջազգային-իրավական պարտավորությունները, ինչպես նաեւ սպառազինության վերահսկման ռեժիմն ու թափանցիկությունը: Այդպիսով Հայաստանն ամրապնդում է իր ռազմական ներկայությունն ադրբեջանական գրավյալ տարածքներում», - ասել է Ադրբեջանի ԱԳՆ մամուլի քարտուղար Հիքմեթ Հաջիեւը:
Նրա խոսքով՝ «Ադրբեջանը պահանջում է արտահանող երկրից` Ռուսաստանից, ստանալ երաշխիքներ, որ վաճառված սպառազինությունն ու ռազմական տեխնիկան Հայաստանի կողմից չի կիրառվելու ադրբեջանական գրավյալ տարածքներում, ինչպես նաեւ հայ-ադրբեջանական սահմանի երկայնքով»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: