Վրաստանի համար ԵՄ վիզային ռեժիմը կչեղարկվի հոկտեմբերին - Mediamax.am

135068 դիտում

Վրաստանի համար ԵՄ վիզային ռեժիմը կչեղարկվի հոկտեմբերին


Լուսանկարը` https://www.neweurope.eu


Երեւան: Մեդիամաքս: Վրաստանի ու ԵՄ-ի միջեւ արտոնագրային ռեժիմի ազատականացումը տեղի կունենա հոկտեմբերի սկզբին:

Ինչպես հայտնում է «Կոմերսանտ» թերթը, այդ մասին ասել է Եվրոպական հարեւանության քաղաքականության հարցերով ԵՄ հանձնակատար Յոհանես Հանը՝ Բաթումիում ելույթ ունենալով «Վրաստանի եվրոպական ուղին» համաժողովում:

 

Նա խոստացել է անել «ամեն ինչ», որպեսզի այդ նպատակը իրականացվի ժամկետից շուտ: «Նման պատրաստակամությունը հաստատել է Եվրախորհրդարանի պատգամավորների մեծամասնությունը»,- նշել է Յոհանես Հանը:

 

Նրա խոսքով՝ ԵՄ-ի ղեկավար կառույցներում «առկա է կոնսենսուս, եւ Վրաստանի կողմից ազատականացման հետ կապված բոլոր հանձնառությունների կատարման մասով կա համընդհանուր համաձայնություն»:

 

«Այժմ արդեն Եվրոպան պետք է կատարի իր հանձնառությունները»,- ասել է հանձնակատարը:

 

Վրաստանի հետ արտոնագրային ռեժիմի չեղարկման ուշացումը Յոհանես Հանը բացատրել է նրանով, որ «մշակվում էր անհրաժեշտության դեպքում ազատականացված ռեժիմի դադարեցման մեխանիզմը»:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին