Երեւան: Մեդիամաքս: Թուրքական Harp Arge ընկերությունը Ադրբեջանին է վաճառել Drone Killer համակարգը, որը նախատեսված է անօդաչու թռչող սարքերի դեմ պայքարի համար:
Ինչպես հաղորդում է Trend-ը, այս գործարքը Ադրբեջան արտահանելու Harp Arge-ի առաջին փորձն է:
Drone Killer համակարգը ստեղծում է էլեկտրամագնիսական խանգարումներ՝ անօդաչու սարքի եւ կառավարման կենտրոնի միջեւ կապը խաթարելու համար, ինչպես նաեւ ապակողմնորոշում է GPS համակարգը:
Ընկերության հաղորդագրության մեջ նշվում է, որ համակարգը հաջողությամբ փորձարկվել է ադրբեջանական ուժային կառույցների կողմից:
Այդ համակարգը կիրառում են Թուրքիայի Զինված ուժերը, Ազգային հետախուզական ծառայությունը (MIT) եւ այլ ուժային կառույցներ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: