Երեւան: Մեդիամաքս: Հայաստանն այսօր միացել է Մշակութային սեփականության դեմ հանցանքների վերաբերյալ Եվրոպայի խորհրդի կոնվենցիային, որն ուղղված է հնաոճ իրերի գողության եւ դրանք արվեստի շուկաներում վաճառքի դեմ։
Համաձայնագիրն ընդունվել է Եվրոպայի խորհրդի «Ահաբեկչության եւ կազմակերպված հանցավորության դեմ պայքարի» ծրագրի շրջանակում։
Այն քրեական պատասխանատվություն է նախատեսում հնաոճ իրերի անօրինական պեղումների, ներմուծման եւ արտահանման, ձեռքբերման եւ շուկաներում տարածման, ինչպես նաեւ համապատասխան փաստաթղթերի կեղծման դեպքում։
Կոնվենցիային միացել են նաեւ Կիպրոսը, Հունաստանը, Պորտուգալիան, Սան-Մարինոն եւ Մեքսիկան։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: