«Նոյ» թաղամասը կարժենա $ 100 մլն - Mediamax.am

exclusive
27839 դիտում

«Նոյ» թաղամասը կարժենա $ 100 մլն


«Նոյ» թաղամասի էսքիզներից
«Նոյ» թաղամասի էսքիզներից

Լուսանկարը` Քաղաքաշինության պետական կոմիտե

«Նոյ» թաղամասի էսքիզներից
«Նոյ» թաղամասի էսքիզներից

Լուսանկարը` Քաղաքաշինության պետական կոմիտե

Լուսանկարը` Քաղաքաշինության պետական կոմիտե

«Նոյ» թաղամասի էսքիզներից
«Նոյ» թաղամասի էսքիզներից

Լուսանկարը` Քաղաքաշինության պետական կոմիտե


Կառավարությանն առընթեր Քաղաքաշինության պետական կոմիտեի միջազգային համագործակցության եւ կառուցապատման ներդրումային ծրագրերի վարչության կողմից մշակվել ու կառավարությանն է ներկայացվել

«Նոյ» ազգագրական թաղամասի կառուցապատման ներդրումային ծրագիրը:

 

Ծրագրի շուրջ բանակցություններ են տարվում հնարավոր ներդրողների հետ: Ներդրման ծավալը կազմում է $ 100 մլն:

 

Ներդրումային ծրագրի մանրամասները Մեդիամաքսը պարզել էˋ զրուցելով վարչության մասնագետ, ճարտարապետ Արտավազդ Թարխանյանի հետ:

 

Ծրագրով նախատեսվում է «Դալմա Գարդեն Մոլ» առեւտրի կենտրոնի հետեւի հատվածումˋ Դալմայի այգիներին հարող տարածքում, կառուցել նոր էթնոթաղամաս:

Լուսանկարը` Քաղաքաշինության պետական կոմիտե

«Կառուցապատվելու է շուրջ 9.2 հա տարածքով եւ 150 հազար քմ ընդհանուր մակերեսով թաղամաս: Այնտեղ ներկայացվելու են Հայաստանի տարբեր շրջանների (Սյունիք, Շիրակ, Լոռի եւ այլն) ազգագրական ոճի ճարտարապետական կառույցներ»,- նշել է ճարտարապետը:

 

Նախատեսված է մշակել փողոցների այնպիսի համակարգ, որը հնարավորություն կտա ներկայացնել գորգագործություն, նկարչություն, հին ձեռագրերի ցուցադրություն: Թաղամասում կլինեն նաեւ թանգարաններ, հյուրանոցներ, բնակելի շենքեր:

 

Ակնկալվում է, որ ծրագիրը դերակատարություն կունենա մշակութային տուրիզմի զարգացման գործում:

 

Արտավազդ Թարխանյանն ասել է, որ թաղամասի էսքիզների ստեղծմանը մասնակցել են Ճարտարապետության եւ շինարարության ազգային համալսարանի ուսանողները:

 

Սիրանուշ Եղիազարյան

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին