Երեւան: Մեդիամաքս: Թուրքիայի ԵՄ հարցերով պետնախարար Էգեմեն Բաղըշը նախօրեին կրկին հերքել է Հայոց ցեղասպանության փաստը` ի պատասխան Ցյուրիխի դատախազության ձեռնարկած հետաքննության, որը նպատակ ունի պարզելու՝ արդյո՞ք թուրք նախարարը չի խախտել Շվեյցարիայում գործող հակառասիստական օրենքը, որով ցեղասպանության ժխտումը քրեորեն պատժելի է:
Մեդիամաքս-ը հիշեցնում է, որ հունվարին Դավոսում Էգեմեն Բաղըշը հրապարակայնորեն հայտարարել էր, թե հայերի ցեղասպանություն չի եղել, եւ իրեն կարող են ձերբակալել:
“Այդ օրն ես ասել էի, որ 1915թ. կատարվածը ցեղասպանություն չի եղել, եւ ես կրկնում եմ դա այսօր: Ոչ ոք թող չկասկածի, որ ամեն անգամ, երբ ինձ տան այդ հարցը, ես կրկնեմ այս նույն բանը”,- մամուլի ասուլիսում ասել է թուրք նախարարը, հաղորդում է Reuters-ը:
Նա հավելել է, որ “չգիտի որեւէ ուժ, որը կարող է ձերբակալել Թուրքիայի Հանրապետության նախարարին”:
“Ես շատ հանգիստ եմ վերաբերվում այս հարցին: Եթե պետք է, ես կրկին կմեկնեմ Դավոս եւ կասեմ նույն բանը”,- ընդգծել է Բաղըշը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: