Երեւան: Մեդիամաքս: Հունիսի 19-20 Բրյուսելում կկայանա Հայաստան-ԵՄ Խորը եւ համապարփակ ազատ առեւտրի համաձայնագրի բանակցությունների առաջին փուլը:
Ինչպես հաղորդում է Մեդիամաքս-ը, այս մասին այսօր Երեւանում ասել է ՀՀ էկոնոմիկայի փոխնախարար Գարեգին Մելքոնյանը, բացելով ՀՀ-ԵՄ առևտրի, տնտեսական և համապատասխան իրավական հարցերով համագործակցության ենթակոմիտեի տասնմեկերորդ նիստը:
Նա տեղեկացրել է, որ բանակցությունների այսպես կոչված «զրոյական փուլը» կայացել է մայիսի 3-ին: Ըստ փոխնախարարի, այժմ հստակեցվում է բանակցությունների օրակարգը:
Հայաստանում ԵՄ պատվիրակության ղեկավար, դեսպան Տրայան Հրիստեան, իր հերթին, ասել է, որ Հայաստանի եւ Եվրամիության միջեւ տեղի ունեցող երկխոսությունը հասել է «աննախադեպ մակարդակի»: Նա հավելել է, որ Ասոցացման համաձայնագրի շուրջ բանակցությունները նույնպես շատ լավ են ընթանում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: